عالم السيارات

10 ربيع الأول 1440 18 نوفمبر 2018

الرئيسيةالرئيسية كلاسيكيات
بدأت من 25,000 جنيه مصري.. أسعار العربيات الزيرو من 20 سنة في مصر
# الجمعة , 12 أكتوبر 2018 09:41 م

في خضم كل العربيات الجديدة اللي بتنزل السوق من وقت للتاني بأسعار مش قليلة طبعا نتيجة الظروف الإقتصادية الصعبة اللي بتمر بيها بلدنا واللي يا رب تتحسن, كانت زمان الأسعار مختلفة أقل بكتير من دلوقتي بشكل يدعو للاندهاش والإستغراب من حال سوق العربيات. وأحنا هنا هنستعرض معاكم اللي لقيناه حوالين أسعار العربيات زمان من ييجي 20 سنة فاتت زي ما كان منشور في مجلة "أخبار السيارات", مع ملاحظة أنه كانت فيه عربيات موجودة في السوق وقتها ومكانتش منشورة في دليل الأسعار ده لكنه بالتأكيد مصدر هايل للعربيات اللي كانت بالتأكيد مطلوبة كتير في السوق وقتها.

لاحظنا أن عدد الماركات والعربيات كان أقل بشكل واضح من دلوقتي مع الوضع في الإعتبار اللي وضحناه عن أن الدليل ده مكانش شامل كل السوق, فيعني شركة زي "هيونداي" كانت عربية أساسية شغالة عليها هي الـ"Accent" (بالعربي: أكسنت) بموتور 1300 سي سي وموتور 1500 سي سي والنهارده الشركة دي عندها عدد كبير من العربيات في فئات مختلفة. وكانت ماركة "فيات" هي أكتر ماركة لها عربيات متنوعة, والعربيات دي كانت: "Brava" (بالعربي: برافا), "Tempra" (بالعربي: تمبرا), "Punto" (بالعربي: بونتو), "Dogan" (بالعربي: دوجان), "Sahin" (بالعربي: شاهين), والـ"128".

ولقينا أن أرخص عربية كانت هي الـ"سوزوكي Maruti" (بالعربي: ماروتي) وكانت بـ25,000 جنيه مصري واللي مع مرور السنين وقف إنتاجها وبقيت بدالها الـ"Alto 800" (بالعربي: ألتو 800) اللي وصل سعرها موديل 2019 لـ130,000 جنيه مصري. ولقينا أن أغلى عربية كانت اللي أتسمت الشبح من "مرسيدس-بنز" اللي هي "S-Class" أو "الفئة أس" واللي كان متقدم منها الموديل "S320" (بالعربي: أس 320) بسعر 750,000 جنيه مصري.

ولقينا كمان أن العربيات اللي زي الـ"جيب" من حيث الفئة اللي بتتسمى "SUV" قليلة بشكل واضح, ومكانش فيه غير عربية واحدة بس منها –زي ما كان منشور- هي الـ"Vitara" (بالعربي: فيتارا) وكان سعرها بكافة الكماليات 110,900 جنيه مصري.

وطبعا كان نصيب الأسد من العربيات وقتها للشكل السيدان العائلي, وكانت أرخص عربية فيه وقتها هي الـ"128" من "فيات" واللي كان سعرها 27,000 جنيه مصري, وطبعا الشبح اللي أتكلمنا عنها فوق كانت الأغلى.

ودلوقتي قايمة بالماركات بأسعار عربياتها الزيرو اللي أتنشرت من 20 سنة حسب الترتيب الأبجدي الإنجليزي:

بي أم دبليو:

316i – موديل 1997 – تامة الكماليات – 160,000 ج. م.

523 مصري – موديل 1998 – تامة الكماليات – 286,000 ج. م.

520 – موديل 1998 – تامة الكماليات – 340,000 ج. م.

520 – موديل 1997 – تامة الكماليات – 270,000 ج. م.

ستروين:

AX – موديل 1998 – تامة الكماليات – 45,900 ج. م.

ZX – موديل 1998 – تامة الكماليات – 45,900 ج. م.

ZX فلاش – موديل 1998 – 53,900 ج. م.

فيات:

بونتو – موديل 1998 – تامة الكماليات – 55,000 ج. م.

برافا – موديل 1998 – تامة الكماليات – 84,000 ج. م.

تمبرا – موديل 1998 – تامة الكماليات – 63,000 ج. م.

دوجان – موديل 1998 – تامة الكماليات – 50,000 ج. م.

شاهين – موديل 1998 – 37,500 ج. م.

128 – موديل 1998 – 27,000 ج. م.

فورد:

كا – موديل 1998 – تامة الكماليات – 55,000 ج. م.

فيستا – موديل 1998 – تامة الكماليات – 53,500 ج. م.

إسكورت – موديل 1998 – تامة الكماليات – 75,000 ج. م.

مونديو – موديل 1998 – تامة الكماليات – 97,000 ج. م.

هيونداي:

أكسنت 1300 – موديل 1998 – 34,000 ج. م.

أكسنت 1300 – موديل 1998 – مكيفة – 37,000 ج. م.

أكسنت 1500 عادة – موديل 1998 – مكيفة – 45,000 ج. م.

أكسنت 1500 أتوماتيك – موديل 1998 – مكيفة – 51,000 ج. م.

مرسيدس-بنز:

E200 مصري – موديل 1998 – تامة الكماليات – 300,000 ج. م.

E200 ألماني – موديل 1998 – تامة الكماليات – 520,000 ج. م.

S320 – موديل 1998 – تامة الكماليات – 750,000 ج. م.

ميتسوبيشي:

لانسر جي ال – موديل 1998 – مكيفة – 50,000 ج. م.

لانسر عادة – موديل 1998 – تامة الكماليات – 56,000 ج. م.

لانسر اتوماتيك – موديل 1998 – تامة الكماليات – 60,000 ج. م.

أوبل:

فيكترا 1600 – موديل 1998 – تامة الكماليات – 85,000 ج. م.

فيكترا 2000 – موديل 1998 – تامة الكماليات – 120,000 ج. م.

بيجو:

405 جي أل أكس – موديل 1998 – تامة الكماليات – 74,900 ج. م.

برستيج عادة – موديل 1998 – تامة الكماليات – 99,000 ج. م.

برستيج أتوماتيك – موديل 1998 – تامة الكماليات – 114,000 ج. م.

رينو:

أوبتيما – موديل 1998 – 40,000 ج. م.

رينبو – موديل 1998 – تامة الكماليات – 52,000 ج. م.

سكودا:

فيليشيا – موديل 1998 – تامة الكماليات – 39,000 ج. م.

فيليشيا كومبي – موديل 1998 – تامة الكماليات – 41,000 ج. م.

أوكتافيا – موديل 1998 – تامة الكماليات – 85,000 ج. م.

سوزوكي:

ماروتي – موديل 1998 – 25,000 ج. م.

ألتو – موديل 1998 – 32,500 ج. م.

سويفت – موديل 1998 – 38,500 ج. م.

سويفت – موديل 1998 – تامة الكماليات – 43,500 ج. م.

بالينو – موديل 1998 – 56,950 ج. م.

بالينو – موديل 1998 – تامة الكماليات – 62,000 ج. م.

فيتارا – موديل 1998 – تامة الكماليات – 110,900 ج. م.

تويوتا:

كورولا – موديل 1998 – مكيفة – 52,000 ج. م.

كورولا – موديل 1998 – مكيفة + باور – 55,500 ج. م.

كورولا عادة – موديل 1998 – تامة الكماليات – 60,000 ج. م.

كورولا أتوماتيك – موديل 1998 – تامة الكماليات – 64,500 ج. م.





#
  • تعليقات Facebook