"العربية في مصر بسعر 24 ألف جنيه من بداية شهر 12"، هكذا تداول مستخدمي موقع التواصل الاجتماعي"فيس بوك"، تدوينات صورا كثيرة لسيارة صغيرة الحجم "ميني كار"، بسعر يبلغ 24 ألف جنيه.
وأكد المغردون، أن السيارة ميني كار سيتم طرحها في السوق المصري خلال شهر ديسمبر المقبل بسعر رسمي 24 ألف جنيه.
وكشفت صفحة "متصدقش"، المهتمة بتصحيح المعلومات والأخبار غير الصحيحة، حقيقة هذه التدوينات والصور المتداولة على "فيس بوك"، قائلة :"الكلام ده غير صحيح، العربية مش بـ24 ألف جنيه ولا حاجة، ومفيش أي معلومات عن نزولها السوق المصرية حتى الآن".
وتابعت: "أول من نشر صور العربيات دي هي صفحة تابعة لشركة تايلندية بتبيع عربيات كهربائية صغيرة اسمها "???????? DT MOTOR"
???????? DT MOTOR"
وأضافت: " لما الناس سألت في التعليقات عن سعر العربية دي (فيها كرسيين زوجي أمامي)، الشركة قالت إنها لسه بتتفاوض للحصول على سعر كويس"، مضيفة أن الشركة نفسها تبيع سيارات كهربائية في نفس الحجم تحمل 3 أفراد (كرسي أمامي واتنين خلفي صغيرين)، وأقصى سرعة للعربية 30 كيلو/ ساعة، وشحن البطارية بتاعتها بيكفي 30 كيلو فقط (دي البطارية اللي بتيجي معاها لكن ممكن تشتري بطارية سعة أكبر).
وأشارت إلى أن سعر السيارة يبدأ من 98 ألف باهت تايلاندي أي 52.5 ألف جنيه مصري، بالنسبة للسيارة التي لا تحتوي على تكييف، أما المكيفة سعرها 148 ألف باهت تايلاندي أي 80 ألف جنيه مصري تقريبًا.
وتابعت: "مفيش أي معلومات منشورة تبع شركة "???????? DT MOTOR" عن نزول العربية دي للسوق المصري الشهر الجاي".
واستكملت: "في سنة 2016 كان انتشر كلام عن إنتاج سيارة مصرية باسم "نانو إيجيبت" وبأسعار تتراوح بين 24 و42 ألف جنيه، وهي هتبقى سيارة مشابهة لسيارة هندية اسمها "تاتا نانو" كانت تعتبر أرخص سيارة في العالم، لكن جهاز حماية المستهلك قال إن الموضوع ده نصب واحتيال وتعود أصوله لسنة 2010، واللي طلع الموضوع ده اتقبض عليه واتحكم عليه بالسجن بتهمة النصب والاحتيال، وكمان توفي في السجن".
وأشارت الصفحة إلى أن السيارة "تاتا نانو" الهندية التي يتم الترويج لها باعتبارها أرخص سيارة في العالم، الشركة المنتجة لها قررت وقف إنتاجها بسبب قلة الطلب عليها.
تبدأ من 1,350 مليون جنيه.. الكشف عن أسعار "هيونداي إلنترا CN7" فيس ليفت 2024 الجديدة
